Ur mirdi pourmen

Ur sell war an amzer dremenet

* Ar sevel tiez

A-drugarez da roudous an Elorn e oa bet savet un doare kêr e Landerne ken abred hag an amzer galian-roman.
Er grennamzer e oa bet savet ur pont-prenn da dreuziñ an Elorn. D'ar poent-se ivez e krogas ar c'haeoù hag ar porzh da ziazezañ ur framm d'ar savadurioù ha d'ar gêr dre vras.
Tres ar grennamzer a zo ivez ouzh an tiez o fanelloù koad ha toennoù sklent. Etre 1660 ha 1720 e kresk dalc'hmat pinvigigezh kêr Landerne; al lodenn vrasañ eus an tiez kozh dispar a weler atav hiziv a zo bet savet d'ar mare-se.
Disheñvel an eil re diouzh ar re all int an tiez-se savet gant mein benerezh. Mein melen Logonna implijet evit talbenn an tiez a gustum sklêrijennañ kreiz kêr. Un dudi eo sellet ouzh ar chist ha maen gris Kersanton kemmesket gant maen melen Logonna.




* Ar Porzh...

Landerne war an Elorn, e penn pellañ lennvor Vrest, a zo savet lec'h ma varv al lano ha lec'h ma c'heller treuziñ ar stêr.
Dister edo stumm ar porzh er grennamzer. Er XVvet, XVIvet, XVIIvet kantved e veze graet savadurioù bras war ar porzh evit degemer an danvez ekonomikel nevez kresket gant kenwerzh al lin.
E XIXvet kantved eo bet toullet ar ganol evit gellout degemer bigi brasoc'h.
Hiziv e vez darempredet kentoc'h gant bigi dre lien, ur vag traezh hag an Dalh Mad, skouerenn ur gobar eus 1947.




* Ar pont

Adalek ar XIIvet kanvet e liamme ur pont-prenn Bro Gerne gant Bro Leon.
E 1510 e savas Jehan, beskont ar Roc'han, ar pont-maen a zo bremañ atav en e sav. Peulioù maen tev gant c'hwec'h bolzenn a zo atav o tougen an tiez m'o deus bevet enno a-hed an amzer rummadoù milinerien , marc'hadourien danvez, orfebrerien, bourellerien, tokerien hag all....
Un treizhaj a zo bet warnañ ha tennet kuit anezhañ e 1760.
Hiziv an deiz emañ pont ar Roc'han e-touesk ar pontoù annezet divezhañ en Europa.

Ur sell dre bourmen war arz ar sevel tiez